ဓာတ်ပုံ Reuters
ဗန်မြို့ ငလျင်ဒဏ်ကနေ အသက်မသေ ကျန်ရစ်သူတချို့ ကြောက်လန့်တကြား အော်ဟစ်ပြေးလွှားနေကြပုံ (အောက်တိုဘာလ ၂၃၊ ၂၀၁၁)
ငလျင်ကြောင့် လျှပ်စစ်မီးတွေလည်း ပြတ်တောက်ခဲ့ရသလို အထပ်မြင့် အဆောက်အဦးတွေလည်း ပြိုကျခဲ့ရပါတယ်။ Ercis ဆိုတဲ့မြို့ကတော့ အထိအနာဆုံးဖြစ်ပြီး နောက်ပိုင်းမှာ အင်အားပြင်း နောက်ဆက်တွဲ မြေငလျင်တွေလည်း လှုပ်ခဲ့ပါသေးတယ်။ အမေရိကန်ပြည်ထောင်စုနဲ့ အစ္စရေး အပါအဝင် နိုင်ငံတွေက အကူအညီပေးထားကြပြီး ဒီမြေငလျင်သတင်းကို အမေရိကန်ပြည်ထောင်စုက ဂရုတစိုက် စောင့်ကြည့်နေ ပါကြောင်းနဲ့ ဒီလို ဒုက္ခကြုံရတဲ့အချိန်မျိုးမှာ တူရကီနဲ့အတူ ရင်ဘောင်တန်း ရပ်တည်နေပါကြောင်း
အမေရိကန်သမ္မတ ဘရက်အိုဘားမားက ပြောပါတယ်။
ပြိုကျတဲ့အဆောက်အဦးတွေထဲမှာ ဟော်တည်တွေနဲ့ အဆောင်တစ်ခုလည်း ပါဝင်ပါတယ်။ ငလျင်လှုပ်ပြီး
နာရီပေါင်းများစွာကြာတဲ့အထိ အပြိုအပျက်ပုံအောက်တွေထဲမှာ ပိမိနေသူတွေရဲ့ ညည်းညူသံတွေ ကြားနေရတယ်လို့ ကိုယ်တွေ့ကြုံခဲ့သူတွေက ပြောကြပါတယ်။ Ercis မြို့တော်ဝန်က အရေးပေါ်အကူအညီပေးဖို့ တောင်းဆိုထားပြီး သူ့မြို့မှာ သေဆုံးသူ တော်တော်များတယ်လို့ ပြောသွားပါတယ်။
No comments:
Post a Comment